Félagsmiðstöðin Hólmasel hefur verið starfrækt í Hólmaseli 4-6 frá árinu 1992. Hólmasel þjónustar börn á aldrinum 10-16 ára í Öldusels- og Seljaskóla.
Símanúmer Hólmasels er 567-7730 eða 695-5034.
Hólmasel er opið virka daga frá kl 14-17 nema föstudaga og svo mánudags-, þriðjudags-, miðvikudags- og föstudagskvöld.
Markmið Hólmasels er að veita börnum og ungmennum innihaldsríka þjónustu í frítíma þeirra. Unnið er samkvæmt stefnumörkun og gæðaviðmiðum Íþrótta- og tómstundasviðs Reykjavíkur (ÍTR). Lögð er sérstök áhersla á forvarnarstarf , að stuðlað sé að jákvæðum félagsþroska, að starfsemin standi öllum til boða og að fyrirliggjandi séu upplýsingar um íþrótta- og tómstundartilboð í hverfinu.
Gildi:
Heilbrigði
• ÍTR býður upp á fjölbreytta frítímaþjónustu sem stuðlar að
heilbrigði og hamingju einstaklinga á öllum aldri.
Skemmtun
• ÍTR leggur áherslu á að sérhver einstaklingur geti nýtt
frítímaþjónustuna sér til ánægju og gleði.
Félagsleg þátttaka
• ÍTR styrkir félagsauð með því að hvetja borgarbúa til virkrar
þátttöku, samstarfs og samheldni í hverfum borgarinnar.
Uppeldi
• ÍTR gegnir mikilvægu uppeldishlutverki gagnvart börnum
og unglingum.
Forvarnir
• ÍTR sinnir mikilvægu forvarnarstarfi því að heilbrigður lífsstíll
endurspeglast í allri starfsemi ÍTR.
Jafnrétti
• ÍTR leitast við að tryggja jafnræði og jafnrétti í allri sinni
starfsemi og stuðlar að því að íþrótta- og æskulýðsfélög vinni
út frá sömu gildum.
Samstarf
• ÍTR leitar eftir samstarfi við íþrótta- og æskulýðsfélög, önnur
félög, samtök, stofnanir og fyrirtæki í því skyni að efla
frítímaþjónustu fyrir borgarbúa.
Fagmennska
• ÍTR leggur áherslu á faglega og lipra þjónustu. Grundvöllur
þess er vel þjálfað starfsfólk og starfsánægja.
Á sumrin hafast þar við börn á leikja- og ævintýranámskeiðum auk fjörliða, sem er samstarfsverkefni Vinnuskóla Reykjavíkur og ÍTR.